4

തേ​ർ​ത്ത​ല്ലി: ജ​ൽ​ജീ​വ​ൻ പ​ദ്ധ​തി​യു​ടെ പ്ര​വ​ർ​ത്തി പു​രോ​ഗ​മി​ക്കു​ന്ന​തി​നി​ടെ ക​ന​ത്തമ​ഴ​യി​ൽ മ​ണ്ണും ചെ​ളി​യും വീ​ട്ടു​മു​റ്റ​ത്തേ​ക്ക് ഒ​ഴു​കി​വ​ന്ന​ത് വീ​ട്ടു​കാ​രെ ദു​രി​ത​ത്തി​ലാ​ഴ്ത്തി. മൗ​വ്വ​ത്താ​നി ക​രി​വേ​ട​കം തി​മി​രി റോ​ഡി​ന് സ​മീ​പ​ത്തെ തെ​ക്കെ താ​ന്നി​ക്ക​ൽ ബാ​ബു​വി​ന്‍റെ വീ​ട്ടു​മു​റ്റ​ത്തേ​ക്കാ​ണ് മ​ണ്ണും ചെ​ളി​യും ഒ​ഴു​കി​യെ​ത്തി​യ​ത്.
ക​ഴി​ഞ്ഞ രാ​ത്രി​യി​ലെ ക​ന​ത്ത മ​ഴ​യ​ത്താ​ണ് സം​ഭ​വം.

റോ​ഡി​ൽ ജ​ൽ​ജീ​വ​ൻ പ​ദ്ധ​തി​യു​ടെ ഭാ​ഗ​മാ​യി പൈ​പ്പി​ട്ട് മൂ​ടി​യ കു​ഴി​യി​ൽ​കൂ​ടി മ​ണ്ണും ചെ​ളി​യും ക​ന​ത്ത മ​ഴ​യി​ൽ ബാ​ബു​വി​ന്‍റെ വീ​ട്ടു​മു​റ്റ​ത്തേ​ക്ക് ഒ​ഴു​കി​യെ​ത്തു​ക​യാ​യി​രു​ന്നു. ചെ​ളി​യും മ​ണ്ണും ശ​ക്ത​മാ​യി ഒ​ഴു​കി​വ​ന്ന​തി​നാ​ൽ റോ​ഡ് പൂ​ർ​ണ​മാ​യി ത​ക​ർ​ന്നു. മ​ണ്ണി​ട്ട് മൂ​ടി​യ പൈ​പ്പും കു​ഴി​ക്കു പു​റ​ത്ത് വ​ന്ന നി​ല​യി​ലാ​ണ്.

അ​ശാ​സ്ത്രീ​യ​മാ​യ പ്ര​വ​ർ​ത്തി​യാ​ണ് വീ​ട്ടു​മു​റ്റം ചെ​ളി​ക്കു​ള​മാ​കാ​ൻ കാ​ര​ണ​മെ​ന്ന് പ​റ​യു​ന്നു. സം​ഭ​വ​സ്ഥ​ലം ത​ളി​പ്പ​റ​മ്പ് ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് ജെ​സി ഷി​ജി​യു​ടെ നേ​തൃ​ത്വ​ത്തി​ൽ സ​ന്ദ​ർ​ശി​ച്ചു. പ​ഞ്ചാ​യ​ത്ത് അം​ഗ​ങ്ങ​ളാ​യ ഐ​സ​ക്ക് മു​ണ്ടി​യാ​ങ്ക​ൽ, ലൂ​സി സാ​ബു എ​ന്നി​വ​രും കൂ​ടെ​യു​ണ്ടാ​യി​രു​ന്നു. അ​പ​ക​ടാ​വ​സ്ഥ ഉ​ട​ൻ പ​രി​ഹ​രി​ക്കു​മെ​ന്ന് ക​രാ​റു​കാ​ര​ൻ ബ​ന്ധ​പ്പെ​ട്ട​വ​ർ​ക്ക് ഉ​റ​പ്പു ന​ൽ​കി.